Некалькі дзён таму міжнародная валянтэрская каманда InformNapalm.org ў матар’яле “Зафіксаванае маштабнае перакідваньне сілаў і сродкаў ЗС РФ з акупаванай Абхазыі” анансавала інфармацыю пра наяўнасьць расейскіх вайскоўцаў-кантрактнікаў 7-й вайсковай базы РФ (в/ч 09332, г. Гудаута, акупаваная Абхазыя , Грузыя) у шэрагах незаконных збройных фармаваньняў на Данбасе.

У выніку зьдзейсьненае выведкі сацыяльных профіляў сацсетак быў выяўлены расейскі вайсковец Міхаіл Сталяроў (архіў на профіль: https://archive.is/ewnEb, архіў на фотаальбом: https://archive.is/GYX1g, архіў на контакты: https://archive.is/f0fwR). Падчас вывучэньня й ідэнтыфікацыі ягонага профілю, таксама дзякуючы інфармацыйнай падтрымцы Цэнтра “Міратворац”, атрымалася высьветліць шэраг цікавых дэталяў. Пад псэўданімам Сталярова хаваецца Неберакуця Міхаіл Міхайлавіч, нарадзіўся 06.05.1993 г., родам з г.Стаўрапалю. Зь вясны 2013 году зьяўляецца вайскоўцам ЗС РФ, быз прызваны ў Майкоп, дзе пасьля праходжаньня КМБ быў залічаны ў зэнітны дывізыён 7-й расейскай акупацыйнай вайсковай базы. Пасьля году службы, у 2014 годзе М.Неберакуця падпісаў кантракт, пра што сьведчаць камэнтары да фатаздымку зь ягонага профілю ў сацсеціве “Укантакце”.

Заўвага: У ЗС РФ і ў прыватнасьці на 7-й в/базе выкарыстоўваецца практыка падпісаньня кантракту вайскоўцамі ў прызыве, пасьля 6-8 месяцаў службы. Тэрмін кантракту прадугледжвае 3 гады службы ў складзе канкрэтнага вайсковага злучэньня. Заробак кантрактніка ў сярэднім сягае 45 тысячаў рублёў (тэрміновец ў Абхазыі атрымлівае ля 11 тысячаў), таксама бываюць надбаўкі, т.зв. “палявыя”, “камандыровачныя” і інш. Перавод у іншыя вайсковыя часткі і тым болей звальненьне з кантрактнай службы да заканчэння тэрміну, можа спрычыніцца да праблемаў (прадугледжаныя нават штрафныя санкцыі). Глядзіце матар’ял з сакавіка 2015 году “Тэрміноўцаў 7-й вайсковай базы РФ масава вярбуюць у кантрактнікі дзеля “ўкраінскіх камандыровак””.

InformNapalm неаднаразова падаваў матар’ялы ў дачыненьні таго, як “лёгкім рухам рукі” расейскія кантрактнікі ператвараюцца на баявікоў “ДНР/ЛНР”, у тым ліку і на прыкладзе вайскоўцаў 7-й вайсковай базы з Абхазыі – глядзіце “Вайскоўцы 7-й вайсковай базы ЗС РФ перагульваюць падчас пераапрананьня ў баявікоў “ДНР/ЛНР”“. Міхаіл Неберакуця ня ёсьць выключэньнем – у сьнежні 2014 году ён усё яшчэ быў вайскоўцам ЗС РФ, пра што сьведчыць узнагароднае пасьведчаньне да мэдалькі “За баявую адзнаку”, якую выдалі паводле загаду міністру абароны №809 10 сьнежня 2014 году з подпісам камандыра в/ч 09332 палкоўніка Касабокава. Пасьля нядоўгай паўзы, з траўня 2015 году расейскі акупант М.Неберакуця ваюе ўжо ў абліччы баявіка з пазыўным “Белка” (рас.) у складзе 5-й брыгады “ЗС ДНР” «Оплот» (рас.), пазьней ў нейкім “СОБР”.

Варта адзначыць адную цікавую дэталь: “Белка”-Неберакуця сам даслаў інфармацыю пра сябе для картатэкі “Міратворца”, хлопчык прагнуў славы і ён яе атрымаў. Нягледзячы на ​​шэраг маніпуляцыяў з спробай схаваць сваю асобу, “Белка” пракалоўся на сваіх жа “пантах”. Вядома ж, ні ён, ні расейскія боты не прызнаюць ягонай прыналежнасьці да ЗС РФ, але факт ёсьць фактам – які б расейскі кантрактнік з “патройным акладам” у баявых, адмовіўся б ад службы ў расейскай арміі на карысьць безграшоўя і жыцьця бамжа-бандыта ў шэрагах бандфармаваньняў “ДНР/ЛНР”? Нагадваем, што гэта ня першы выпадак, калі ў шэрагах НЗФ “наваросіі” былі зафіксаваныя кадравыя расейскія вайскоўцы. Паводле новай практыкі, якую застасавала расейскае вайсковае камандаваньне, вайсковыя адмыслоўцы паступаюць ў склад НЗФ у якасьці каардынатараў, дарадцаў, інструктараў, малодшых камандыраў падразьдзяленьняў (начальнікаў разьлікаў рознага кшталту спэцсродкаў і ўзбраеньня), як гэта было зафіксаванае з вайскоўцамі шэрагу вайсковых злучэньняў Паўднёвае вайсковае акругі й спэцназа ГРУ. Так што, тым часам, як тактычная група 7-й базы перакідваецца на “плянавае дзяжурства” ў Растоўскую вобласьць, ейныя ваенспэцы, якія знаходзяцца на Данбасе, зьдзяйсьняюць рэкагнасцыроўку й падрыхтоўваюць глебу для верагоднага ўварваньня галоўных сілаў.

У пададзеных ніжэй спасылках можна азнаёміцца ​​з матар’яламі што да фактаў удзелу 7-й вайсковай базы ЗС РФ у вайне супроць Украіны:

– Расея перакідвае тэхніку 7-й вайсковай базы ў Растоўскую вобласьць

– Зафіксаванае маштабнае перакідваньне сілаў і сродкаў ЗС РФ з акупаванай Абхазыі.

– Легенда-біяграфія “колішняга” вайскоўца 7-й вайсковай базы. June 30, 2015

– Вайскоўцы 7-й вайсковай базы ЗС РФ перагульваюць падчас пераапрананьня у баявікоў “ДНР/ЛНР”. June 23, 2015

– Чарговыя ўзнагароджаныя з 7-й акупацыйнай вайсковай базы ў выніку ўкраінскіх камандыровак. May 13, 2015

– Міхос “адважны” – выведчык 7-й в/базы, кавалер мэдалю “За адвагу”. March 18, 2015

– Тэрміноўцаў 7-й вайсковай базы РФ масава вярбуюць у кантрактнікі дзеля “ўкраінскіх камандыровак”. March 6, 2015

– Вайскоўцаў 7-й вайсковай базы РФ з Абхазыі за ўдзел у баёх на Данбасе ўзнагароджваюць мэдалямі. March 2, 2015

– “З мандарынавага раю ва ўкраінскае пекла”: як расейскіх кантрактнікаў у дабраахвотна-прымусовым парадку выпраўляюць забіваць украінцаў. February 4, 2015

– Рэактыўная артылерыя 7-й расейскай акупацыйнай базы з Абхазыі на мяжы з Данбасам. December 18, 2014

– “Інтэрны” – мэдычнае падразьдзяленьне 7-й вайсковай базы з Абхазыі на мяжы з Украінай. October 11, 2014

– “Данецкі экспрэс” – ідэнтыфікацыя расейскай тэхнікі і ўзбраеньня, што перакідваецца на Данбас. October 6, 2014

– Баявыя разьлікі САУ “Акацыя” 7-й вайсковай базы, якія “партызаняць” у лясох уздоўж мяжы з Украінай. October 2, 2014

Аўтар матар’ялу Іраклі Камахідзэ

(с) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матар’ялу актыўная спасылка на аўтара і наш праэкт абавязковая.

Пераклад Дзяніса Івашына