Міжнародная валянтэрская супольнасьць InformNapalm супольна з Infographics [UA] падрыхтавала першую частку абагульненых дадзеных што да ўдзельнікаў расейскай вайсковай апэрацыі ў Сірыі – штурманаў і пілётаў ВКС РФ.

Нагадаем, напачатку кастрычніка 2015 году InformNapalm паставіў ультыматум уладам РФ і за кожнае парушэньне рэжыму спыненьня вагню на Данбасе супольнасьць публікуе дадзеныя пра расейскіх пілётаў на падставе аналізу й выведкі адкрытых крыніцаў інфармацыі. Такія дзеяньні маюць характар ​​асымэтрычнага адказу на “гібрыдныя” дзеяньні Крамлю як ва Украіне, гэтак і ў Сірыі. Прэс-сакратар прэзыдэнта РФ Дзьмітры Пяскоў адрэагаваў на ультыматум, назваўшы “варожымі дзеяньнямі публікацыю асабістых дадзеных расейскіх лётчыкаў у СМІ”.

На цяперашні момант у публікацыях InformNapalm раскрытая інфармацыя пра 11 афіцэраў ВКС РФ – гэта экіпажы лятакоў Су-24М з бартавымі нумарамі: 04, 05, 16, 26 і лятак Су-24М з рэгістрацыйным нумарам 0715323, экіпаж лятаку Су-30СМ з бартавым нумарам 27 (чырвоны) і афіцэр баявога кіраваньня авіяцыяй, які “засьвяціў” выкарыстаньне ў вайсковай апэрацыі ў Сірыі лятака радыёэлектроннай выведкі і РЭБ ВКС РФ Іл-20.

Нагадаем, што праваабарончая арганізацыя Human Rights Watch (HRW) абвінаваціла Расею ў гібелі дзясяткаў мірных жыхароў падчас бамбаваньня сірыйскіх гарадоў. Паводле дадзеных HRW, толькі падчас двух авіяўдараў на поўначы правінцыі Хомс загінулі 59 мірных жыхароў, а самым крывавым сталася бамбаваньне вёскі Ганту, у якім загінулі 46 чальцоў адной сям’і (сярод якіх 12 жанчын і 32 дзіцяці). Апроч гэтага, паводле заявы прэм’ер-міністра Турцыі Ахмэта Давутоглу з 7 кастрычніка 2015 году: “толькі два з 57 удараў расейскай вайсковай авіяцыі ў Сірыі былі зьдзейсьненыя па пазыцыях баявікоў “Ісламскае Дзяржавы”. Гэтыя факты раскрываюць  сапраўдныя мэты расейскі боку, які зацікаўлены ў значным павялічэньні напружанасьці у рэгіёне. У зьвязку з гэтым, афіцэры ВКС РФ, якія прымаюць удзел у вайсковай апэрацыі Расеі ў Сірыі, зьяўляюцца вайсковымі злачынцамі, бо ваююць, збольшага, не з баявікамі “Ісламскае Дзяржавы”, але з апазыцыяй Башару Асаду, забіваючы падчас гэтага мірных жыхароў Сірыі.

Чытайце таксама: “Крэмль адчыніў скрыню Пандоры. “Партызаны” з InformNapalm распавялі пра тое, як шантажуюць расейскіх генэралаў і як спыніць Пуціна”.