У матар’яле міжнароднае выведвальнае супольнасьці InformNapalm «81 артылерыст 291-й брыгады: яны выконвалі злачынныя загады Крамля (Інфаграфіка) была апублікавала зводная інфармацыя пра выяўленых артылерыстаў з майкопаскае брыгады Паўднёвае вайсковае акругі ЗС РФ. Гэтая публікацыя, апроч ідэнтыфікацыі выяўленых 40 артылерыстаў – “ветэранаў Данбаса 2014 года” – мела і іншыя мэты.
Інфаграфіка
Абагульненьне ўсяе інфармацыі пра 291-ю артбрыгаду, сабраную цягам апошніх 3 гадоў. Аб’яднаньне гэтых зьвестак у адзіную інфаграфіку, у якой выразна прадэманстраваныя дадзеныя пра ўдзельнікаў так званых растоўска-ўкраінскіх і сірыйскіх камандыровак і пра самую артбрыгаду – структуру, узбраеньне, камандаваньне.
Апэрацыя «Вакант»
Уважлівы чытач зьвярнуў увагу на «вакантныя» мейсцы ў інфаграфіцы – яны былі пакінутыя наўмысна. Не раскрываючы дэталяў задумы, зазначым, што празь некалькі дзён пасьля публікацыі пзначанага вышэй матар’ялу нам удалося справакаваць аднаго з вайскоўцаў 291-й артбрыгады, які міжволі падаў нам бясспрэчныя доказы сваёй бягучай камандыроўкі на тэрыторыю акупаванага Данбаса.
Абноўленая інфаграфіка
З улікам новых дэталяў падаем абноўленую інфаграфіку, у якой падаем дадзеныя пра 82 артылерыстаў 291-й артбрыгады. Выяўленыя ўзнагароджаныя вайскоўцы пазначаныя ў інфаграфіцы выяваю адпаведных ведамасных і дзяржаўных узнагародаў, прыкамандыраваныя да бандфармаваньняў НЗФ «Л/ДНР» пазначаныя сьцягам так званай «Новороссии»).
(Для прагляду націсьніце на малюнак або скарыстайцеся спасылкай)
На лаўца і зьвер бяжыць
У выніку комплексных выведвальных мерапрыемстваў HUMINT/OSINT валянтэры міжнароднае супольнасьці InformNapalm выявілі вайскоўца 291-й артылерыйскай брыгады (в/ч 64670, Інгушэтыя, станіца Троіцкая) 58-й агульнавайсковай арміі Паўднёвае вайсковае акругі расейскай арміі, які ў гэты момант знаходзіцца ў баявой камандыроўцы на акупаваным Данбасе.
Уладзімер Аляксеенка
Нарадзіўся 17 лістапада 1996 г. у г. Таганрог Растоўскае вобласьці. Яшчэ да рэкрутаваньня ў войска прайшоў пачатковую вайсковую падрыхтоўку ў адным з вайскова-патрыятычных клюбаў у родным Таганрозе. Тэрміновую вайсковую службу праходзіў з восені 2014 года па восень 2015 году. Першае паўгодзьдзе – у г. Ейск (Цэнтар баявога выкарыстаньня й перавучваньня лётнага складу ВПС і СПА ВМФ), потым быў пераведзены на Далёкі Усход у марскую авіяцыю Ціхаакіянскага флёту, пра што сьведчыць сэрыя фатаздымкаў, у тым ліку зь геатэгамі аэрадрому Арцём (авіябаза Цэнтральная Вуглавая).
Пасьля звальненьня з флёту і паўгадавой паўзы падпісаў 3-гадовы кантракт на службу ў 291-й артылерыйскай брыгадзе, дысьлякаванай у Інгушэтыі (меркавана, у процітанкавай батарэі 100-мм гарматаў МТ-12), пра гэта сьведчыць сэрыя фатаздымкаў, у тым ліку зь геатэгамі станіцы Троіцкая. З чэрвеня 2017 года фіксуецца на тэрыторыі акупаванага Данбаса ў якасьці інструктара-артылерыста ў складзе аднаго з тэрарыстычных фармаваньняў «ДНР».
У сацыяльных сетках: “VK” №1 (архівы профілю, фотаальбому, кантактаў) актыўны, №2 (архівы профілю, фотаальбому, кантактаў) неактыўны з 2016 году, №3 неактыўны з 2013 году, “ОK” (архівы профілю, фотаальбому, кантактаў).
Адным з галоўных доказаў «украінскай камандыроўкі» У. Аляксеенкі зьяўляецца групавы фатаздымак «квартэта ў майтках» на беразе ракі, выкладзены 11 чэрвеня 2017 году. Інфармацыя пра астатніх апазнаных ніжэй.
Таксама ў ягоным фотаальбоме маецца шэраг іншых фатаздымкаў, зробленых 4-13 чэрвеня 2017 году, сярод якіх:
сэлфі з выглядам на Зуеўскую ЦЭС у горадзе Зугрэс Данецкае вобл.;
сэлфі на тле 100-мм процітанкавай гарматы «Рапіра» (МТ-12, 2А29);
сэлфі на тле скрыні для боепрыпасаў.
Ва ўсіх гэтых фота Аляксеенка пазуе ў нестатутнай форме «горка», якую звычайна апранае асабовы склад расейска-тэрарыстычных войскаў. Меркаваная лякацыя фотасэсіі – палігон тэрарыстаў паміж сёламі Шырокае й Пакроўка Данецкае вобласьці, дзе цячэ рака Крынка.
Апроч Аляксеенкі нам удалося ідэнтыфікаваць астатніх чальцоў «квартэта ў майтках».
Уладзімер Калган
Нарадзіўся 9 сьнежня 1981 году. Родам з Краснадар.
Найміт крамлёўскага праэкту «Новороссия» (рас.). У альбоме мае фота «квартэту», выкладзенае 10 чэрвеня 2017 году.
У сацыяльных сетках: «VK» (архівы профілю, фотаальбому, кантактаў).
Аляксандар Князеў
Родам з Данецка, Украіна.
Найміт крамлёўскага праэкту «Новороссия». У альбоме мае фота «квартэту», выкладзенае 10 чэрвеня 2017 году.
У сацыяльных сетках: «VK» (архівы профілю, фотаальбому, кантактаў).
Уладзімер Грэк
Дата нараджэньня 20 жніўня 1989 г. Меркавана, родам з г. Славянск-на-Кубані Краснадарскага краю.
Найміт крамлёўскага праэкту «Новороссия». У альбоме мае фота «квартэту», выкладзенае 10 чэрвеня 2017 году.
У сацыяльных сетках: «VK» (архівы профілю, фотаальбому, кантактаў).
Характэрны і іншы фатаздымак з гэтай жа лякацыі: у ім Аляксеенка пазуе з другой троіцай, якую нам таксама ўдалося апазнаць.
Уладзіслаў Гізбрэхт
Нарадзіўся 4 сакавіка 1993 году. Родам з Данецка, Украіна.
Найміт крамлёўскага праэкту «Новоросссия». У фотаальбоме мае сэрыю цікавых фатаздымкаў, у тым ліку супольныя здымкі зь фігурантамі гэтага расьледаваньня, разам з расейскім кантрактнікам У. Аляксеенкам, і згаданай гарматай МТ-12.
У сацыяльных сетках: VK” №1 (архівы профілю, фотаальбому, кантактаў), неактыўныя профілі №2, №3.
Аляксей Увараў
Нарадзіўся 2 сакавіка 1988 г. Родам з Санкт-Пецярбурга.
Найміт крамлёўскага праэкту «Новороссия». У фотаальбоме мае сэрыю цікавых фатаздымкаў, у тым ліку супольныя здымкі зь фігурантамі гэтага расьледаваньня, разам з расейскім кантрактнікам У. Аляксеенкам, і згаданай гарматаю МТ-12.
У сацыяльных сетках: “VK” №1 (архівы профілю, фотаальбому, кантактаў), неактыўны профіль №2.
Мікалай Мікалаевіч
(прозьвішча пакуль ня вызначанае)
Нарадзіўся 13 траўня 1984 г. Меркавана, родам з Санкт-Пецярбурга (мажліва, таксама з Цюмені). Ягонае татуяваньне сьведчыць пра тое, што ён адбываў пакараньне ў вязьніцы.
Найміт крамлёўскага праэкту «Новороссия». Досыць асьцярожна паводзіць сябе з публікацыямі фота з тэматыкай “Л/ДНР”, у фотаальбоме мае сэрыю здымкаў з Данецка. Апазнаны ў альбомах іншых фігурантаў, у тым ліку ў супольных здымках зь іншымі фігурантамі гэтага расьледаваньня, разам з расейскім кантрактнікам У. Аляксеенкам, і згаданай гарматаю МТ-12.
У сацыяльных сетках: “VK” (архівы профілю, фотаальбому, кантактаў).
Гібрыдная служба ЗС РФ
Гэтае расьледаваньне чарговага разу пацьверджвае інфармацыю пра тое, што пэўная катэгорыя вайскоўцаў-кантрактнікаў ЗС РФ мае гібрыднае жыцьцё. Нягледзячы на тое, што яны застаюцца ў сьпісах вайсковых частак расейскае арміі, іх адкамандыроўваюць у так званае апалчэньне “Л/ДНР” у якасьці інструктараў або вайсковых спэцыялістаў (снайпэраў, артылерыстаў), адказных за сувязь і каардынацыю з асноўнымі рэзэрвовымі сіламі, якія знаходзяцца ў баявым становішчы на тэрыторыі Расеі.
Раней InformNapalm падаваў дзясяткі падобных фактаў пра шэраг вайсковых частак з ПВА – 291-я артбрыгада (в/ч 64670, станіца Троіцкая, Інгушэтыя), 7-я вайсковая база (в/ч 09332, г. Гудаўта, акупаваная Абхазія, Грузія), 8-я АМСБр горная (в/ч 16544, с. Барзой, Чачэнія), 17-я АМСБр (в/ч 65384, Шалі, Чачэнія), 18-я АМСБр (Каліноўская, Чачэнія), 136-я АМСБр (Буйнакск, Дагестан), 205-я АМСБр (Будзёнаўск, Стаўрапальскі край), 19-я АМСБр (в/ч 20634, г. Уладзікаўказ, Паўночная Асэтыя), 33-я АМСБр горная (Майкоп, Адыгея), 34-я АМСБр горная (Стражэвая, КЧР); ад ЦВА – 23-я АМСБр (в/ч 65349, Самара), 15-я АМСБр «міратворчая» (в/ч 90600, Рошчынскі гарнізон Самарскае вобл.), 21-я АМСБр (Арэнбург), 28-я АМСБр (в/ч 61423, Екатэрынбург), 31-я АДШБр ПДВ (Ульяновск). Таксама прыцягваліся падразьдзяленьні “Росгвардии” УВ МУС РФ і іншых сілавых і праваахоўных ведамстваў Расеі.
291-я артбрыгада ў матар’ялах InformNapalm
Матар’ял да публікацыі падрыхтаваў на падставе ўласнага OSINT-расьледаваньня Іраклі Камахідзэ адмыслова для сайту InformNapalm. Інфаграфіка Alex Alexidze.
Пераклаў на беларускую мову Дзяніс Івашын.
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа